ഏനാമാവ് മേഖലയില്നിന്ന് ചാവക്കാട് ഐ.ഡി.സി. സ്കൂളിലേക്ക് കുട്ടികളെ കൊണ്ടുവരികയായിരുന്ന കോണ്ട്രാക്ട് വാനാണ് ബസ്സ്റ്റോപ്പില് ഇടിച്ചത്. ബസ്സ്റ്റോപ്പും സ്വകാര്യവക്തിയുടെ മതിലും പൂര്ണമായി തകര്ന്നു.
അപകടത്തില് പരിക്കേറ്റ തൊയക്കാവ് പുളിച്ചാറം വീട്ടില് റഫീഖിന്റെ മകള് ഷംസിത (17), ഏനാമാവ് മുസ്ലീംവീട്ടില് സിറാജുദ്ദീന്റെ മകള് നിജഫാത്തിമ (6), കണ്ണോത്ത് ഏറച്ചംവീട്ടില് സൈനുദ്ദിന്റെ മകള് ഷിജ്ന (14), വെങ്കിടങ്ങ് മമ്മസ്രായില്ലത്ത് ഷാഹുല് ഹമീദിന്റെ മകള് സുബ്ഹാന (11), സഹോദരി ഹിസ (13), കണ്ണോത്ത് പോക്കാക്കില്ലത്ത് ഹമീദിന്റെ മകള് ഹസ്ന (10), പെരുവല്ലൂര് എറങ്ങത്തയില് ഇക്ബാലിന്റെ മകള് ആദ്യ (10), ഒരുമനയൂര് വലിയേടത്ത് മേപ്പുറത്ത് ജാസിന്റെ മകള് ഹന (8), കണ്ണോത്ത് മമ്മസ്രായില്ലത്ത് നസീറിന്റെ മകള് നസ്മല് (11), വെങ്കിടങ്ങ് വലിയകത്ത് കബീറിന്റെ മകള് സുല്ഫത്ത് (11), ബസ് യാത്രക്കാരിയായ മുല്ലശ്ശേരി പിമ്പിശ്ശേരി സുരേഷിന്റെ ഭാര്യ അജിത (38) എന്നിവരെ അസ്പത്രിയില് പ്രവേശിപ്പിച്ചു. വാഹനവും ഡ്രൈവറേയും പാവറട്ടി പോലീസ് കസ്റ്റഡിയിലെടുത്തു. അമിത വേഗവും വാഹനം ഓടിച്ചുകൊണ്ടിരിക്കുമ്പോള് പാട്ട് മാറ്റുന്നതിനായി റിമോട്ട് പ്രവര്ത്തിപ്പിച്ചതുമാണ് അപകടകാരണമെന്ന് നാട്ടുകാരും വിദ്യാര്ഥികളും പറഞ്ഞു.