തൊയക്കാവ്: കാളിമാക്കല്‍ കടവില്‍ ആയിരങ്ങള്‍ക്ക് ആവേശം പകര്‍ന്ന് തൊയക്കാവ് തീരം ജലോത്സവത്തില്‍ ടീം ബോയ് പാടൂര്‍ ജേതാക്കളായി. ബി.സി.എല്‍. ബോട്ട്ക്ലബ്ബ് നടുവില്‍ക്കര രണ്ടാംസ്ഥാനവും ന്യൂ ബ്രദേഴ്‌സ് ബോട്ട്ക്ലബ്ബ് മുപ്പട്ടിത്തറ മൂന്നാംസ്ഥാനവും കരസ്ഥമാക്കി.
ചെറുവഞ്ചികളുടെ മത്സരത്തില്‍ പി.പി. സുര ഒന്നാംസ്ഥാനത്തിനും കുമാരന്‍ തൊയക്കാവ് രണ്ടാംസ്ഥാനത്തിനും അര്‍ഹമായി. നല്ല അമരക്കാരനായി ടീം ബോയ് പാടൂരിന്റെ സി.ആര്‍. മനോജിനെയും നല്ല അച്ചടക്കമുള്ള ടീമായി ബി.സി.എല്‍. നടുവില്‍ക്കരയെയും തിരഞ്ഞെടുത്തു. ഫസ്റ്റ് ലൂസേഴ്‌സ് ഫൈനലില്‍ പൗരധ്വനി ബോട്ട്ക്ലബ്ബ് മുനമ്പും സെക്കന്‍ഡ് ലൂസേഴ്‌സ് ഫൈനലില്‍ പുനര്‍ജ്ജനി ബോട്ട്ക്ലബ്ബ് കുണ്ടലിയൂരും ജേതാക്കളായി.
ജലോത്സവം പി.എ. മാധവന്‍ എം.എല്‍.എ. ഉദ്ഘാടനം ചെയ്തു. അഡ്വ.ജോസഫ് ബാബു അധ്യക്ഷനായി. വെങ്കിടങ്ങ് ഗ്രാമപ്പഞ്ചായത്ത് പ്രസിഡന്റ് കെ.എ.സത്യന്‍, ജില്ലാ പഞ്ചായത്തംഗം പി.കെ.രാജന്‍, ഡോ.പി.എസ്. ഹരിറാം, പി.എ. രമേശന്‍, ഷൈജന്‍ നമ്പനത്ത്, സുരേഷ് വെണ്ണേങ്കോട്, എം.എ.വിശ്വനാഥന്‍, പി.എസ്. ചന്ദ്രന്‍, യു.ആര്‍. വേലായുധന്‍ എന്നിവര്‍ പ്രസംഗിച്ചു. പാവറട്ടി എസ്.ഐ. ലിപിന്‍ സമ്മാനം വിതരണം ചെയ്തു.
