ഏതാനും മാസം മുമ്പ് മനോജ് തച്ചപ്പുള്ളിയുടെ കാര് കത്തിച്ച സംഭവത്തില് ഒത്തുതീര്പ്പിന്െറ ഭാഗമായി ബി.എല്.എസ്. ക്ളബിന് സമീപം ആറര സെന്റ് സ്ഥലം മനോജിന് നല്കിയിരുന്നു. ഈ സ്ഥലം പഞ്ചായത്തിന് സൗജന്യമായി നല്കാമെന്നും ഇവിടെ ആശുപത്രി നിര്മിക്കാന് തീരുമാനമെടുക്കണമെന്നും കാണിച്ച് മനോജ് പഞ്ചായത്തിന് അപേക്ഷ നല്കിയിരുന്നു.
ബുധനാഴ്ച നടന്ന യോഗത്തില് വിഷയം ചര്ച്ചക്കെടുത്തപ്പോള്, വെള്ളക്കെട്ടുള്ള സ്ഥലത്ത് ആശുപത്രി പണിയുന്നതിന് ജില്ലാ മെഡിക്കല് ഓഫിസര് അനുമതി നല്കിയില്ളെന്ന് പ്രസിഡന്റ് ശുഭാസുനില് പറഞ്ഞു. ചേറ്റുവ തെക്ക് ആയുര്വേദ ആശുപത്രിക്ക് സമീപം കണ്ടെത്തിയ വെള്ളക്കെട്ടില്ലാത്ത സ്ഥലത്ത് പ്രാഥമികാരോഗ്യ കേന്ദ്രം നിര്മിക്കാന് തീരുമാനമെടുക്കണമെന്നും അവര് പറഞ്ഞു. കോണ്ഗ്രസിലെ പ്രീത ഇത് ചോദ്യം ചെയ്തു. തന്െറ വാര്ഡിലെ മനോജിന്െറ സ്ഥലത്ത് ആശുപത്രി നിര്മിക്കണമെന്ന് ആവശ്യപ്പെട്ടു. പക്ഷേ ഭൂരിപക്ഷ അഭിപ്രായ പ്രകാരം തീരുമാനമെടുക്കുമെന്ന് പ്രസിഡന്റ് പറഞ്ഞു. ഇതോടെ ബഹളമായി. പ്രീത ഇറങ്ങിപ്പോവുകയാണെന്ന് അറിയിച്ചു.
എന്നാല് യു.ഡി.എഫിലെ മറ്റ് അംഗങ്ങള് ഇറങ്ങിപ്പോകാന് തയാറായില്ല. ഇതോടെ പ്രീതയും ഇരുന്നു. അജണ്ട കഴിയാറായപ്പോള് പുറത്ത് നിന്നിരുന്ന കോണ്ഗ്രസ് നേതാക്കാള് ഫോണില് അംഗം സജീവനെ പുറത്തേക്ക് വിളിച്ച് എല്ലാവരും ഇറങ്ങിപ്പോകാന് ആവശ്യപ്പെടുകയായിരുന്നു. ഇതോടെയാണ് ഇറങ്ങിപ്പോക്ക്. അജണ്ട കഴിഞ്ഞപ്പോള് യു.ഡി.എഫ് അംഗങ്ങള് വീണ്ടും യോഗത്തില് പങ്കെടുത്തു.
കോണ്ഗ്രസ്, ലീഗ് അംഗങ്ങള് പുറത്ത് മുദ്രാവാക്യം വിളിച്ചു. വി.കെ. പീതാംബരന്, മനോജ് തച്ചപ്പുള്ളി, എന്. പി. സുലൈമാന് ഹാജി, അബ്ദുല്ലത്തീഫ് ഹാജി, അക്ബര് ചേറ്റുവ എന്നിവര് നേതൃത്വം നല്കി. വിവരമറിഞ്ഞ് വാടാനപ്പള്ളി എസ്.ഐ സന്ദീപിന്െറ നേതൃത്വത്തില് പൊലീസും എത്തി.
അതേസമയം, ബി.എല്.എസ് ക്ളബിന് സമീപം വെള്ളക്കെട്ടുള്ള സ്ഥലത്താണ് ആശുപത്രി നിര്മിക്കാന് പ്രീതയും ചില കോണ്ഗ്രസ് നേതാക്കളും പിടിവാശികാണിക്കുകയാണെന്ന് പ്രസിഡന്റ് ശുഭാസുനില്, വൈസ്പ്രസിഡന്റ്, വേലായുധന്, കെ.ബി. സുധ, സതീഷ് പനക്കല്, പി.കെ. ഗോപി എന്നിവര് ആരോപിച്ചു.
ഇവിടെ ആശുപത്രി നിര്മിക്കാന് ഡി.എം.ഒയുടെ അനുമതി ഇല്ല. ഡി.എം.ഒ പരിശോധിച്ചാണ് തീരുമാനമെടുത്തത്. മനോജ് നല്കുന്ന സ്ഥലത്ത് ഹോമിയോ ആശുപത്രി നിര്മിക്കുമെന്നും എല്.ഡി.എഫ് ജനപ്രതിനിധികള് പറഞ്ഞു.
പഞ്ചായത്തില് ഇപ്പോഴുള്ള സര്ക്കാര് ആശുപത്രി ചേറ്റുവ കുന്നത്തങ്ങാടിയിലെ ചോര്ന്നൊലിക്കുന്ന വാടകകെട്ടിടത്തിലാണ്. ഇതോടെയാണ് കെട്ടിടം നിര്മിക്കാന് സ്വന്തമായി സ്ഥലം കണ്ടെത്താന് പഞ്ചായത്ത് തീരുമാനിച്ചത്. എന്നാല് തുടക്കത്തിലേയുള്ള ബഹളം കെട്ടിട നിര്മാണത്തെ ബാധിക്കാനിടയുണ്ട്.