വാടാനപ്പള്ളി: വാടാനപ്പള്ളി പൊക്കാഞ്ചേരി കടപ്പുറത്ത് ശക്തമായ കടലേറ്റം 25-ഓളം തെങ്ങുകള്‍ കടപുഴകി. പൊക്കാഞ്ചേരിയില്‍ സ്വകാര്യ റിസോര്‍ട്ടിന്റെ തെക്കുഭാഗത്ത് 50 മീറ്ററോളം കര കടലടെുത്തു. റിസോര്‍ട്ടിനും സമീപത്തെ വീടിനുമിടയില്‍ കടല്‍വെള്ളം ഇരച്ചുകയറി തോട് രൂപപ്പെട്ടു. താഴ്ന്ന ഭാഗത്തുള്ള വീടുകളില്‍ വെള്ളം കയറിയിട്ടുണ്ട്.
വെള്ളിയാഴ്ച രാത്രിയാണ് കടലേറ്റം തുടങ്ങിയത്.
കടലേറ്റ ബാധിത പ്രദേശങ്ങള്‍ പി.എ. മാധവന്‍ എം.എല്‍.എ. സന്ദര്‍ശിച്ചു. വൊക്കാഞ്ചേരി ഭാഗത്ത് സ്ത്രീകള്‍ എം.എല്‍.എ.യുടെ വാഹനം തടഞ്ഞുനിര്‍ത്തി പരാതി പറഞ്ഞു. കടലേറ്റത്തില്‍നിന്ന് ശാശ്വത പരിഹാരം വേണമെന്നാവശ്യപ്പെട്ടാണ് സ്ത്രീകള്‍ എം.എല്‍.എ.യുടെ വാഹനം തടഞ്ഞത്. പ്രശ്‌നം പരിഹരിക്കാന്‍ പരമാവധി ശ്രമിക്കുമെന്ന് എം.എല്‍.എ. പറഞ്ഞു.
വാടാനപ്പള്ളി ബീച്ചിലും നാട്ടുകാര്‍ എം.എല്‍.എയു.ടെ മുന്നില്‍ പരാതി പറഞ്ഞു. അധികാരികള്‍ വേണ്ടത്ര ശ്രദ്ധിക്കാത്തതാണ് പ്രശ്‌നപരിഹാരം വൈകാന്‍ കാരണമെന്ന് എം.എല്‍.എ. പറഞ്ഞു.
കഴിഞ്ഞ കടലേറ്റ സമയത്ത് മണല്‍ച്ചാക്കുകള്‍ നല്‍കാമെന്ന് കളക്ടര്‍ നല്‍കിയ ഉറപ്പ് ലംഘിച്ചതായി വാടാനപ്പള്ളി ഗ്രാമപ്പഞ്ചായത്ത് പ്രസിഡന്റ് സുബൈദ മുഹമ്മദ് പറഞ്ഞു.
No comments:
Post a Comment