കോടമുക്ക്.കോം: ആര്‍.സി.യു.പി സ്‌കൂള്‍ ജില്ലയിലെ ആദ്യ ചോക്ക് രഹിത വിദ്യാലയം

കേരളത്തിന്റെ സാംസ്കാരിക നഗരിയായ തൃശ്ശൂരില്‍ നിന്നും ഇരുപത്തിനാല് കിലോമീറ്റര്‍ പടിഞ്ഞാറ് നീങ്ങി, വെങ്കിടങ്ങു പഞ്ചായത്തിന്റെ തെക്ക് പടിഞ്ഞാറ് അതിര്‍ത്തിയാണ് കോടമുക്ക് എന്ന കൊച്ചു ഗ്രാമം. മൂന്നു ഭാഗവും പുഴകള്‍ കൊണ്ട് ചുറ്റപ്പെട്ടു കിടക്കുന്ന പ്രകൃതി രമണീയമായ ഈ ഗ്രാമത്തിനു, ഈ പേര് വന്നതും ഈ പുഴകളുടെ സാമിപ്യം തന്നെയാണെന്ന് പറയപ്പെടുന്നു. കണ്ടശ്ശാം കടവില്‍നിന്നും ചേറ്റുവ അഴിമുഖത്തേക്ക് ഒഴുകുന്ന പുഴയും, പീച്ചി അണക്കെട്ടില്‍നിന്നും ഏനാമ്മാവ് (കെട്ടുങ്ങള്‍) ബണ്ട് വഴി തുറന്നു വിടുന്ന വെള്ളവും തമ്മില്‍ സംഘമിക്കുന്ന ഭാഗമാണ് കോടമുക്ക് പുഴ എന്നറിയപ്പെടുന്നത്. കിഴക്ക് നിന്നും, തെക്ക് നിന്നും ഒഴുകി വരുന്ന ഈ പുഴവെള്ളം അല്പം പടിഞ്ഞാറോട്ടും, പിന്നീട് വടക്കോട്ടും ദിശ തിരിഞ്ഞു ഒഴുകുന്നതിനാല്‍ ഒരു പ്രത്യേക തരം ചുഴിയും അടിയൊഴുക്കും ഈ ഭാഗത്ത്‌ ദൃശ്യമാവാറുണ്ട്. മാത്രവുമല്ല, തെക്ക് നിന്നും കിഴക്ക് നിന്നും ഒഴുകി വരുന്ന ചണ്ടിയും, മട്ടും, കോടയുമെല്ലാം ഈ കോടമുക്ക് പുഴയുടെ തെക്കേ കരയില്‍ കുമിഞ്ഞു കൂടുക പതിവായിരുന്നു മുന്‍കാലങ്ങളില്‍. അങ്ങിനെ 'കോട' കുമിഞ്ഞുകൂടുന്ന ഒരു 'മുക്ക്' എന്ന വിശേഷണത്തില്‍ പുഴയുടെ ഈ ഭാഗം അറിയപ്പെടുകയും പിന്നീടത്‌ കോടമുക്ക് ആയി മാറുകയും ചെയ്തു. ഈ പുഴകൊണ്ട് ചുറ്റപ്പെട്ടു കിടക്കുന്ന ഒരു ഗ്രാമമായതുകൊണ്ട് ഈ പ്രദേശത്തെ 'കോടമുക്ക്' എന്ന പേരില്‍ അറിയപ്പെടാന്‍ തുടങ്ങി.

Saturday, September 24, 2011

ആര്‍.സി.യു.പി സ്‌കൂള്‍ ജില്ലയിലെ ആദ്യ ചോക്ക് രഹിത വിദ്യാലയം

വാടാനപ്പള്ളി: ആര്‍.സി.യു.പി സ്‌കൂള്‍ ജില്ലയിലെ ആദ്യത്തെ ചോക്ക് രഹിത വിദ്യാലയമാകുന്നു. പ്രഖ്യാപനം വെള്ളിയാഴ്ച ഉണ്ടാകും. കുട്ടികളെ വൈറ്റ് ബോര്‍ഡില്‍ മാര്‍ക്കര്‍ പെന്‍ ഉപയോഗിച്ച് അധ്യാപകര്‍ പഠിപ്പിക്കുമെന്ന് പ്രധാനഅധ്യാപകന്‍ ഒ.ജെ.ഷാജന്‍, പി.ടി.എ പ്രസിഡന്റ് കെ.പി. രാമകൃഷ്ണന്‍ എന്നിവര്‍ പറഞ്ഞു. വെള്ളിയാഴ്ച രാവിലെ 10.30ന് സ്‌കൂളില്‍ ചേരുന്ന യോഗത്തില്‍ പി.എ. മാധവന്‍ എം.എല്‍.എ ആര്‍.സി.യു.പി സ്‌കൂളിനെ ചോക്ക്‌രഹിത വിദ്യാലയമായി പ്രഖ്യാപിക്കും.

No comments:

Post a Comment

Subscribe to: Post Comments (Atom)

കോടമുക്ക് എന്ന കൊച്ചു ഗ്രാമത്തെ ലോകത്തിനു മുമ്പില്‍ പരിചയപ്പെടുത്തുന്നതിനും. വികസനത്തിന്റെ രുചിയറിയാത്ത കോടമുക്കിലേക്ക് വികസനം എത്തിക്കാന്‍ വേണ്ടി എന്തെങ്കിലും ചെയ്യാന്‍ കഴിയുമോ എന്നതിനെ കുറിച്ച് ചര്‍ച്ച ചെയ്യാന്‍ വേണ്ടിയും, ഉണ്ടാക്കിയിട്ടുള്ള ഈ സംവിധാനത്തോട് നിങ്ങള്‍ യോജിക്കുന്നുണ്ടോ?