അന്തിക്കാട്: അരിമ്പൂര് നാലാം കല്ലില് റോഡരികില് ദുരൂഹ സാഹചര്യത്തില് നിഖില് (കണ്ണന്) മരിച്ച സംഭവത്തില് പ്രതികള് വലയിലായി. മൃതദേഹത്തിന് സമീപത്തുനിന്ന് ഇടിച്ച വാഹനത്തിന്െറ ഭാഗങ്ങള് കണ്ടെടുത്ത പൊലീസ് പിന്നീട് നടത്തിയ തെരച്ചിലിനിടെയാണ് പ്രതികളുടെ കാര് കണ്ടെത്തിയത്. കണ്ടെടുത്ത കാറിന്െറ ഭാഗം വിരലടയാള വിദഗ്ധര് പരിശോധിച്ചു. പരിശോധനാ റിപ്പോര്ട്ട് പുറത്തുവന്നാല് പ്രതിയെ അറസ്റ്റ് ചെയ്യും. അപകടം ഉണ്ടാകുന്ന സമയത്ത് കാര് അന്തിക്കാട് കാഞ്ഞാണി വഴി തൃശൂരിലേക്ക് പോയ തെളിവ് പൊലീസിന് ലഭിച്ചു.
ഞായറാഴ്ച പുലര്ച്ചെയാണ് അരിമ്പൂര് നാലാംകല്ല് ആശുപത്രിക്ക് സമീപം റോഡരികിലെ മാവിന്ചുവട്ടില് മുത്താരംകുന്ന് നിഖിലിന്െറ മൃതദേഹം രക്തത്തില് മുങ്ങിയ നിലയില് കാണപ്പെട്ടത്. ഇടിച്ച വാഹനത്തിലുള്ളവര് നിഖിലിനെ റോഡരികിലേക്ക് വലിച്ചെറിയുകയായിരുന്നെന്നാണ് നിഗമനം.
No comments:
Post a Comment