തൃശൂര്: ജില്ലയില് വ്യാപകമായി പൊലീസ് ലഹരിവേട്ട നടത്തി. സ്കൂള് പരിസരങ്ങളിലെ സ്റ്റേഷനറി കടകളിലും പെട്ടി കടകളിലുമായിരുന്നു റെയ്ഡ്. നിരവധി പേരെ അറസ്റ്റുചെയ്തു. ആയിരക്കണക്കിന് പാന്പരാഗ്, ഹാന്സ്, ബോംബെ എന്നിവ പിടിച്ചെടുത്തു. ജില്ലയിലെ വിവിധ സ്റ്റേഷനുകള്ക്ക് കീഴില് നടന്ന റെയ്ഡില് 22 പേര് അറസ്റ്റിലായി. 4000 പാക്കറ്റ് ലഹരിവസ്തുക്കള് പിടിച്ചെടുത്തു.മണ്ണുത്തി പനഞ്ചകം ജോയ് (51), മുക്കാട്ടുകര നായരങ്ങാടി ശങ്കരനാരായണന് (66), ചുവന്നമണ്ണ് കുര്യാക്കോസ് (60), ചിയ്യാരം സാരംഗി തിയറ്ററിന് സമീപം സിദ്ധന് (71), ലാലൂര് അസീസി നഗര് വാവച്ചന് (58), കാല്വരി കോര്ണറില്നിന്ന് അരണാട്ടുകര ബാബു (46), തൃശൂര് സ്വരാജ് റൗണ്ടില്നിന്ന് വലക്കാവ് കൃഷ്ണന് (72), കൊട്ടേക്കാട് ഷാന്റി (24), അരണാട്ടുകര ജോണ്സന് (51), വിയ്യൂര് അപ്പു (74), കിഴക്കുമ്പാട്ടുകര പീറ്റര് തിമിത്തി (34) എന്നിവരെയാണ് അറസ്റ്റ് ചെയ്തത്.കുന്നംകുളം, പേരാമംഗലം സ്റ്റേഷന് പരിധികളില് ആറുപേരെ അറസ്റ്റ് ചെയ്തു. കുന്നംകുളം തെക്കേഅങ്ങാടി ചെറുവത്തൂര് വര്ഗീസ് (51), പഴുന്നാന കിഴക്കേതില് ശംസുദ്ദീന് (49), തോളൂര് സ്വദേശികളായ ആലിക്കല് രമേശ് (40), പൈനാടത്ത് റപ്പായി (60), ചിറ്റലപ്പിള്ളി പള്ളത്ത് രാജന് (54), കൈപറമ്പ് പുളിച്ചാറം ഉസ്മാന് (65), എന്നിവരാണ് അറസ്റ്റിലായത്.ഗുരുവായൂര് പൊലീസ് സ്റ്റേഷന് പരിധിയില് രണ്ടുപേര് അറസ്റ്റിലായി. ചൊവ്വല്ലൂര് പടിയില്നിന്ന് പോക്കാക്കില്ലത്ത് അബൂ ബക്കര്, പോക്കാക്കില്ലത്ത് ഹംസ എന്നിവരാണ് അറസ്റ്റിലായത്.പാവറട്ടി വെങ്കിടങ്ങില് പാന്മസാല പിടി കൂടി. വെങ്കിടങ്ങ് കുരിശുപള്ളിക്ക് സമീപത്തെ കടയില് നിന്നാണ് പാന് പരാഗ്, ഹാന്സ്, ബോംബെ തുടങ്ങിയ ലഹരി വസ്തുക്കള് പാവറട്ടി പൊലീസ് പിടികൂടിയത്.കടയുടമ മുല്ലശേരി സ്വദേശി കുന്നിച്ചിയില് ശിവരാമനെ (70) അറസ്റ്റ് ചെയ്തു. ഇയാളെ പിന്നീട് ജാമ്യത്തില് വിട്ടു.
ഒല്ലൂര് പൊലീസ് നടത്തിയ റെയ്ഡില് മരത്താക്കരയില്നിന്നും ഒല്ലൂരില്നിന്നും രണ്ടുപേരെ അറസ്റ്റ് ചെയ്തു. ഇവര് മെഡിക്കല് ഷോപ്പിലെ കവറിലാണ് ലഹരി വസ്തുക്കള് ഒളിച്ചുവെച്ച് വില്പന നടത്തിയതെന്ന് പൊലീസ് പറഞ്ഞു.
No comments:
Post a Comment