ചാവക്കാട്: മുതുവട്ടൂര്‍ ഗുരുവായൂര്‍ റോഡിലെ ടെലിഫോണ്‍ എക്സ്ചേഞ്ചിന് മുന്‍വശം അനധികൃതമായി നിര്‍മിച്ച കെട്ടിടം നഗരസഭാ ഉദ്യോഗസ്ഥര്‍ ചാവക്കാട് പൊലീസിന്‍െറ സഹായത്തോടെ പൂട്ടി സീല്‍ വെച്ചു.കെട്ടിടം പൊളിച്ചുനീക്കണമെന്നാവശ്യപ്പെട്ട് നഗരസഭാ അധികൃതര്‍ ഉടമക്ക് മൂന്ന് തവണ നോട്ടീസ് നല്‍കിയിരുന്നു. പ്രതികരണമില്ലാതായപ്പോള്‍ നഗരസഭാ സെക്രട്ടറി എസ്. വിജയകുമാറിന്‍െറ ഉത്തരവ് പ്രകാരം റവന്യൂ ഉദ്യോഗസ്ഥരായ കെ. അബ്ദുല്‍ കരീം, ശശീന്ദ്രന്‍, ജൂനിയര്‍ ഹെല്‍ത്ത് ഇന്‍സ്പെക്ടര്‍മാരായ ഷാജു, മനോജ്, സതീശന്‍, തുടങ്ങിയ ഉദ്യോഗസ്ഥരും പൊലീസും സ്ഥലത്തെത്തി അടച്ചുപൂട്ടിയത്. അനധികൃത കെട്ടിടത്തില്‍ വ്യാപാരം തുടങ്ങാന്‍ ഉടമ ഗുരുവായൂര്‍ പടിഞ്ഞാറെപുരക്കല്‍ സാന്ദ്രം പി.എസ്. ചന്ദ്രന്‍ നഗരസഭക്ക് അപേക്ഷ നല്‍കിയിരുന്നു. എന്നാല്‍ ഈ അപേക്ഷ നഗരസഭാ അധികൃതര്‍ നിരസിക്കുകയായിരുന്നു.
അനധികൃത കെട്ടിടം പൊളിച്ചുനീക്കണമെന്നാവശ്യപ്പെട്ട് നഗരസഭ അംഗം കെ.വി. സത്താറിന്‍െറ നേതൃത്വത്തില്‍ പലതവണ നഗരസഭാ യോഗത്തില്‍ പ്രതിപക്ഷം ബഹളത്തിന് ഇടയാക്കിയിരുന്നു. ഇതും നടപടിക്ക് വേഗം കൂട്ടാന്‍ കാരണമായി.
No comments:
Post a Comment