പാവറട്ടി: ഏനാമാക്കല് ബോട്ട് ക്ലബ്ബ് സംഘടിപ്പിച്ച ഏനാമാക്കല് ജലോത്സവം ആവേശമായി. പാടൂര് ടീം ബോയ്സ് ഒന്നാമതെത്തി. ബി.സി.എല്. ബോട്ട് ക്ലബ്ബ് നടുവില്ക്കര രണ്ടാംസ്ഥാനവും സണ് റെയ്സ് ബോട്ട് ക്ലബ്ബ് ഒരുമനയൂര് മൂന്നാംസ്ഥാനവും നേടി. ഫസ്റ്റ് ലൂസേഴ്സ് ഫൈനലില് പൗരധ്വനി ബോട്ട് ക്ലബ്ബ് മുനമ്പും സെക്കന്ഡ് ലൂസേഴ്സ് ഫൈനലില് ജലസംഘം ബോട്ട് ക്ലബ്ബ് ഏനാമാക്കലും ജേതാക്കളായി.
നല്ല അമരക്കാരനായി ടീം ബോയ്സ് പാടൂരിന്റെ മനോജിനെയും അച്ചടക്കമുള്ള ടീമായി പാലാഴി വാസന് ബോട്ട് ക്ലബ്ബിനെയും തിരഞ്ഞെടുത്തു. പി.എ. മാധവന് എം.എല്.എ. ജലോത്സവം ഉദ്ഘാടനം ചെയ്തു. വെങ്കിടങ്ങ് ഗ്രാമപ്പഞ്ചായത്ത് പ്രസിഡന്റ് കെ.എ. സത്യന് അധ്യക്ഷനായി. ജില്ലാ പഞ്ചായത്ത് പ്രസിഡന്റ് കെ.വി. ദാസന് ജലഘോഷയാത്ര ഫ്ളാഗ് ഓഫ് ചെയ്തു.മണലൂര് ഗ്രാമപ്പഞ്ചായത്ത് പ്രസിഡന്റ് വി.എന്. സുര്ജിത്, ടി.വി. ഹരിദാസന്, കവി ഏങ്ങണ്ടിയൂര് ചന്ദ്രശേഖരന്, താഹിറ മനാഫ്, ശോഭ സുരേന്ദ്രന്, പി.എ. രമേശന്, അഡ്വ. ജോസഫ് ബാബു, ഷൈജന് നമ്പനത്ത്, കെ.ബി. ബോസ്, കെ.വി. ബിനേഷ് എന്നിവര് പ്രസംഗിച്ചു. പാവറട്ടി എസ്ഐ പി.വി. രാധാകൃഷ്ണന് വിജയികള്ക്ക് ട്രോഫികള് വിതരണം ചെയ്തു. ആലപ്പുഴ നെഹ്റു ട്രോഫിയില് മുത്തമിട്ട ദേവദാസ്ചുണ്ടന് വള്ളത്തിനുവേണ്ടി തുഴയെറിഞ്ഞ വെങ്കിടങ്ങ് പഞ്ചായത്തിലെ തുഴച്ചില്കാര്ക്ക് ഉപഹാരങ്ങള് നല്കി ആദരിച്ചു.
No comments:
Post a Comment